فىزىكا تەشكىلاتى تورىنىڭ يېقىندا خەۋەر قىلىشىچە، فىنلاندىيەلىك تەتقىقاتچىلار سىرتقى كۋانت ئۈنۈمى %130 بولغان قارا كرېمنىي فوتوئېلېكتراتسىيە ئۈسكۈنىسىنى ئىجاد قىلغان، بۇ فوتوۋولت ئۈسكۈنىلىرىنىڭ ئۈنۈمىنىڭ نەزەرىيەۋى جەھەتتىن %100 تىن ئېشىپ كېتىشىنىڭ تۇنجى قېتىم يۈز بېرىشى بولۇپ، بۇ فوتوئېلېكترلىق تەكشۈرۈش ئۈسكۈنىلىرىنىڭ ئۈنۈمىنى زور دەرىجىدە يۇقىرى كۆتۈرىدۇ دەپ مۆلچەرلەنمەكتە، ھەمدە بۇ ئۈسكۈنىلەر ماشىنا، يانفون، ئەقلىي قول سائەت ۋە داۋالاش ئۈسكۈنىلىرىدە كەڭ قوللىنىلىدۇ.
فوتوئېلېكتر نۇر ياكى باشقا ئېلېكترو ماگنىت ئېنېرگىيەسىنى ئۆلچەيدىغان، فوتونلارنى ئېلېكتر ئېقىمىغا ئايلاندۇرىدىغان ۋە سۈمۈرۈلگەن فوتونلار ئېلېكترون تۆشۈك جۈپلىرىنى ھاسىل قىلالايدىغان سېنزور. فوتوئېلېكترر فوتودىئود ۋە فوتوترانسىستور قاتارلىقلارنى ئۆز ئىچىگە ئالىدۇ. كۋانت ئۈنۈمى فوتوئېلېكتر ...
چۈشكەن فوتون سىرتقى توك يولىغا ئېلېكترون ھاسىل قىلغاندا، ئۈسكۈنىنىڭ سىرتقى كۋانت ئۈنۈمى %100 بولىدۇ (ئىلگىرى نەزەرىيەۋى چەك دەپ قارالغان). ئەڭ يېڭى تەتقىقاتتا، قارا كرېمنىي فوتودېتېكتورىنىڭ ئۈنۈمى %130 كە يەتكەن، بۇ دېگەنلىك بىر چۈشكەن فوتون تەخمىنەن 1.3 ئېلېكترون ھاسىل قىلىدۇ.
ئالتو ئۇنىۋېرسىتېتى تەتقىقاتچىلىرىنىڭ قارىشىچە، بۇ چوڭ بۆسۈشنىڭ ئارقىسىدىكى مەخپىي قورال قارا كرېمنىي فوتودېتېكتورىنىڭ ئۆزگىچە نانو قۇرۇلمىسى ئىچىدە يۈز بېرىدىغان زەرەت توشۇغۇچى كۆپەيتىش جەريانى بولۇپ، بۇ جەريان يۇقىرى ئېنېرگىيەلىك فوتونلار تەرىپىدىن قوزغىتىلىدۇ. ئىلگىرى، ئالىملار بۇ ھادىسىنى ھەقىقىي ئۈسكۈنىلەردە كۆزىتەلمىگەن، چۈنكى ئېلېكتر ۋە ئوپتىكىلىق يوقىتىشلار توپلانغان ئېلېكترونلارنىڭ سانىنى ئازايتقان. تەتقىقات رەھبىرى پروفېسسور ھېرا سېۋېرن مۇنداق دېدى: «بىزنىڭ نانو قۇرۇلمىسىدىكى ئۈسكۈنىلىرىمىزدە قايتا بىرىكمە ۋە ئەكس ئېتىش يوقىتىش يوق، شۇڭا بىز كۆپەيتىلگەن بارلىق زەرەت توشۇغۇچىلىرىنى توپلىيالايمىز».
بۇ ئۈنۈم ياۋروپادىكى ئەڭ توغرا ۋە ئىشەنچلىك ئۆلچەش مۇلازىمىتى بولغان گېرمانىيە دۆلەتلىك مېترولوگىيە جەمئىيىتى (PTB) فىزىكىلىق تېخنىكا ئىنستىتۇتى تەرىپىدىن دەلىللەنگەن.
تەتقىقاتچىلار بۇ رېكورت ئۈنۈمىنىڭ ئالىملارنىڭ فوتوئېلېكتر بايقاش ئۈسكۈنىلىرىنىڭ ئىقتىدارىنى زور دەرىجىدە ياخشىلىيالايدىغانلىقىدىن دېرەك بېرىدىغانلىقىنى ئەسكەرتتى.
«بىزنىڭ دېتېكتورلىرىمىز، بولۇپمۇ بىئوتېخنىكا ۋە سانائەت جەريانىنى نازارەت قىلىش ساھەلىرىدە، نۇرغۇن قىزىقىش قوزغىدى» دېدى ئالتو ئۇنىۋېرسىتېتىغا تەۋە ElfysInc شىركىتىنىڭ باش ئىجرائىيە ئەمەلدارى دوكتور مىككو جۇنتۇنا. خەۋەرلەرگە قارىغاندا، ئۇلار بۇ خىل دېتېكتورلارنى سودا ئىشلىتىش ئۈچۈن ئىشلەپچىقىرىشقا باشلىغان.
ئېلان قىلىنغان ۋاقىت: 2023-يىلى 7-ئاينىڭ 11-كۈنى